කොරෝනා වසන්ගතයෙන් අසරණ වෙලා හිටිය අපිට අපේ ලන්කාවට එනකල් අපිට ගොඩාක් උදව් කලේ සහන. අපිටත් අපේ දරුවටත් අම්මා කෙනෙක් වගේ ලගින්ම හිටියා. සහන සහනයක් ම උනා ඇත්තටම. ස්තුතිය සහන.

ඇත්තටම සහන කියන්නේ මට නම් ලොකු සහනයක් ගෙනල්ලා දුන්න ආයතනයක්. හරියට හොඳම යාළුවෙක් වගේ. මගේ මහත්තය ඩුබායි දැඩි සත්කාර ඒකකයේ ඉන්න කොට එයාගෙ විස්තර හැමදේම පැහැදිලිව මට එවලා මගේ හිතට ලබා දුන්න සැනසීමට මට කරපු හැම උදව්වකටම සහන ආයතනයට මම ගොඩක් ස්තුති වන්ත වෙනවා. මට වගේම අසරණ උනු අයට පිහිට වෙන්න ඔබේ ආයතනයට තව තවත් ශක්තිය දහිරිය ලැබේවා!

මමයි දරුවයි ගොඩක් අසරණ වුන වෙලාවේ අපිට පිහිට වුන සහනට ගොඩක් ස්තුතියි. අපිව තනි නොකර අපි ගැන බලපු සහන සංවිධානයේ හැම අයෙක්ටම ස්තූතියි!

පිටරටක වුවද අපි තනිවී නොමැත. අපි වෙනුවෙන් අපේම අය.... මා සේවය කරන ආයතනයේ බොහෝ පිරිසකට කොවිඩ් 19 ආසාදනය වී තිබූ අවස්ථාවේ අපි සේවය කරන ආයතනයෙන් ලැබුනේ පැනඩෝල් දෙකක් පමණි. අප මව් රටේ මනුස්සකම පිරි මිනිසුන් සහන නමින් පිහිටුවා ඇති සංවිධානය අප වෙනුවෙන් කල මෙම උතුම් සත්කාරය ඉතාමත් අගය කරන අතර මාගේ හද පිරි ස්තුතිය පුද කරමි. සහන ආයතනයේ සියලුම කාර්ය මණ්ඩලයට නිදුක් නිරෝගීව මෙවැනි සත් ක්‍රියා කරගෙන යෑමට ශක්තිය ධෛර්යය ලැබේවා!

පසුගිය මාස කිහිපයකට පෙර දැඩි ලෙස රෝගාතුර වී අතරමංව සිටි ශ්‍රී ලාංකික සහෝදරියකට රෝහල් වියදම්, ගුවන් ටිකට් පත, රෝද පුටුවක් ලබා දී කල මහගු පින්කම අගයනුවස් 'සහන' සංවිධානයට අපගේ ප්‍රණාමය පුද කරමු.

ගතේ වාරුද හිතේ සවියද ගිලිහී
ගොස් අසරණ වුනා මම
කියන්නට දෙවියන් මිස මට
කාගෙ සරණක් යදින්නද මම....

දෙනෙත කඳුලැල් පිරී තෙත් වුන
ගිලිහී ගිය සියලුම පැතුම් මත
'සහන' සිටියා දෙවිරුවක් ලෙස
දෑසෙ කඳුලැල් මකා දමනට.....

දෙපා වාරු නැති වුනත් මට දුවා
දරුවන් දකින්නට අද යන්න
අවසර සලස්වා දුන් 'සහන' ඔබ
හට ජයෙන් ජය ජය.....

"වන සිවුපාවුන් වැනි මිනිසුන් මැද
දෙවි දේවතාවුන් වැනි මිනිසුන් ඇත
ඒ දේවතාවන් දිව්‍යංගනාවන්
මනු ලෝ තලයේ වාසනාවන්"

අසරණ වී සිටිය මොහොතක අපට පිහිට වූ ඔබ ඉඩෝරයට කඩා හලුනු මහා වැස්සකි. අපත් සමග දොඩමළු වී ලෙන්ගතු වූ ඔබලා අපට මහා මෙරක් ලෙසය. මේ කරන සත් ක්‍රියා වලට හිස නමා තුති පුදමි. තව තවත් මෙවැනි සත් ක්‍රියා කිරීමට දිරිය ශක්තිය ලැබේවා!!

කතරට දිය උල්පත වූ සහන

ජිවිතේ නොසිතු වෙලාවක නොසිතු තැනකදී අපි අසරණ උනා නොසිතු විදියට
හිතුවේ වත් නැති විදියට කිසිදු ආගම් බේදයක් නැතිව
රැයක් දවාලක් වෙලාවක් නොබලා පිහිටට හිටියේ සහන කියන ආදරණිය සංවිධානය.
එහි කළමනාකාර තුමා ඇතුළුව සහන සේවක මණ්ඩලය මේ වෙලාවේ ඉතා ආදරයෙන් මතක් කරනවා.
සහන නොතිබෙන්න වැලිකතරේ තනි උන අපිට කාගේපිහිටක්ද? වැලිකතරේ අසරණ උන මටත් මගේ නෝනා ළමයි 3 දෙනාටත් පව්ලේ අයත් සතුටින් නම් ඒ සහන නිසයි. ඒ වසංගතය හමුවේ ලංකාවට එන්න පාර හදලා දුන් නිසයි.
සහන ඔබ‍ට අපි සදා ණයගැතියි